韓劇+白內障+二哥

阿candy介紹套韓劇"悲傷戀歌"，話幾好睇，入面o的歌又幾好聽。其中一首叫"活著"，係三個20歲小朋友"sg wanna be"唱o既。估唔到阿candy好crazy咁中意o左呢隊組合，不但已經去o左韓國兩次睇演唱會，仲有意搞fan club呀! 厲害，厲害! 咁好o既介紹梗係唔可以放過啦，買套劇返o黎即刻開工。唉....韓劇又一經 典之作...兩男爭一盲妹，有恩又有仇，家庭又反對，行慢o左少少就錯失幾年o個o的橋段，加埋眼淚，眼淚....哈哈! 4日睇晒20集，最尾係睇到朝早5點幾，"偶偶豆豆"(話無跟住人喊係假o既!)之餘仲死咁眼訓。好在夜晚同寥太食自助餐o個陣已經好精神，因為好搞笑嘛。Annie成晚問人要蟹腳，個waiter就成晚話有加菲蟹!
返到屋企，老公話：今晚要早o的訓，因為佢阿媽明早(即今朝)要去聖保祿割白內障。(個醫生又衰o既，朝早七點半咁鬼早開工!係呀，割完人就返診所丫嘛。)早訓？!話口未完就拎隻影碟出o黎，捉埋我睇，上床已經三點喇! 今朝6點起身，o的老人家硬係心急，催住催住，去到醫院7點10分，眼科仲未開門呀，三個人"偶"雞咁， 個醫生終於8點至到!手術做o左一個鐘，期間有個三十零歲o既男人又係做同樣手術。佢媽媽話佢做化驗工作，睇得電腦多，便有白內障。原來唔係淨係老人至有o架，大家都要小心保護對眼喇!
午飯約o左Sony Music o既朋友，o係海港城Rice Paper越南料理，o的野幾好味，又有靚海景，唔錯，唔錯。Annie..o個度o的炸軟殼蟹好正呀，唔係炸到"黑媽媽"o架!
飯後去隔離間唱片鋪行，居然發現二哥套"魔界轉生"中文字幕版，真係大收穫。It makes my day!!!!
講返隊sg wanna be首片尾曲都幾好聽，一ｏ的都唔似咁細個，Candy 仲俾埋ｏ的ＭＶ我睇ｏ忝。其實韓國音樂同歌手比香港ｏ個ｏ的真係高好多皮，最起碼ｏ既原創性同現場演譯已經唔駛較量喇。