日本時興食豆腐

放假日子特別過得快，咁就去o左8日囉!
東京仲係幾涼，13~17度，幾日都落雨。
今次發覺又多o左好多韓國o野。雜誌，唱片，遊客，食店之外，仲有好多用韓國藝人o既廣告，韓國片o既宣傳周街可見，電視節目近更加不在話啦!我有一日都食o左石頭飯，唔錯喎。
另一樣多o既，係豆腐料理店。總之，食乜鬼餐都要有一樣係豆腐，好似好健康咁。
表參道HILLS今年2月開幕，梗要去hea啦，不過有o的失望。o個度前身只不過係一個類似香港o既大型廉租屋苑，俾o的老人家居住，年前收回，由名師設計改建。範圍不及六本木山，只得6層，同香港o的商場差不多。店舖多數賣高級家具及服飾，食店好少而且面積細細間，我o地見到都唔想入去食!反而佢隔離開o左間好有型o既Ralph Lauren.
由於孝天套大陸劇"天空之城"o係日本電視播，加上阿仔套"戰神"出DVD，所以今年又o係Parco百貨公司舉行"華流"+F4展，我去到仲未開始，不過都見到o係街外牆畫緊F4幾個o的相，當然仲有考天大大張海報啦。
坐四個鐘頭巴士去一度叫草津o既地方浸溫泉，果然係日本三大溫泉之一。成區都係古老風味o既建築物，大街正中，係一條類似巨型坑渠o既琉璜源頭，煙霧彌漫。夜晚o係房食完晚餐，旅館o的客個個都著埋件YUKATA加對木屐走出街散步行土產店，真係好舒服啊!!呢一區o係山入面，所以好凍，得8~9度。真係仲有櫻花呀，其他春天o既花都開緊，阿丁o黎到實影到手軟!
暫浸完溫泉第二日，又坐個幾鐘巴士去輕井澤。o個度係滑雪渡假區，風景幾靚，空氣好清新。車站一邊有一條叫銀座o既商店街，有好多小咖啡+餅店。另一邊就係太子酒店+高爾夫球場同埋一個Factory Outlet，有成百間店鋪+餐廳，相當好行。可惜我o地訂o左新幹線返東京，唔夠時間行晒。
雖然無好似o係台灣咁食8餐，不過就食o左好多好味o既。北澤壽司近日多海產，所以就有成5~6吋長o既大蟹腳同3吋長o既赤貝壽司，仲有大帶子o忝! 呀...HG無o左雪糕特賣(￥650~5球)喇，而家做緊末
朋友帶我o地去一度叫鷺沼o既地方食豆腐料理，間鋪內外都似一座古代o既將軍府，有花園亭台樓閣小橋流水，一o的都唔似係食店。食物以豆腐製品為主，似素食，但係有魚又有旦。唔好二為o的o野一粒二粒唔飽喎，我o地o個晚真係食到眼突突，幾乎行唔到呀!
我o地搵到一間專食海產o既居酒屋，o的食物好新鮮，整得好味，但係勁平，每樣都係二百幾，三百幾yen。下次廖太們一定要去試o下。