暫別8天

通常坐早機都唔會訓，今次坐西北開晨早8點45分，更加無謂訓，萬一訓過鐘就弊喇。
好彩呢兩日可以上到日本網，查到我將會去o既四萬溫泉開始落雪喇，最緊要等埋我去影相呀!
今次係完全一人之旅，除o左睇二哥演唱會，浸溫泉同埋探o下繼之介外，其餘時間都會係shopping，正月大減價呀!Tony&Carmen去O左英國玩，十號返ｏ黎先會同佢地食飯，不過又唔夠時間玩蒸蘿蔔糕囉。
呀．．吉野約我十一號食河豚，話而家係season，最好味喎。 阿四一定會話：記得影相呀！
朋友個女收養ｏ左兩隻小貓，２個半月大，一隻黑白一隻三色，好趣緻呀！前日去嘉亨灣探佢地，然後去太古城”尚膳”食晏。蘇絲黃成日推介，又真係幾好喎，價錢唔貴ｏ架。
寫到呢度，夠鐘預備走喇，８日後見！