充電回來

充電旅程，所以除o左兩場演唱會之外，可說是完全無編定行程。
心目中最想去o既地方，只有最近落成o既TOKYO MIDTOWN。位於六本木o既MIDTOWN，分別有美術館，商場&食肆，酒店，辦公大樓，甚至有設備完善o既健康中心，加上環境幽美o既花園，簡直係一個鬧市中o既小型社區。估唔到我會o係呢度消磨o左整日，都只係行到一棟6層商場。整個MIDTOWN 由名師策劃設計，室內全部以木及線條作主題，不但所有店舖都要配合，(所以其中7-11o既logo也不能用紅綠兩色，而用了啡色)甚至公眾地方o既一臺一凳亦似藝術品一樣，不得不逐一欣賞!至於商場，亦遠較六本木山平易近人，並非盡是名牌，但貨品異常精緻，價錢也較大眾化，每間店都可以一遊。可惜晚上約o左食飯，結果連花園同埋FUJI展覽館o既"藤原紀香寫真展"都去唔到。
雖然無去郊外浸溫泉，不過朋友帶我去o左一個類似大江戶溫泉物語o既地方，一千日元可以玩成日。裡面當然有分男女，亦有多個唔同種類o既溫泉，甚至露天，也有餐廳及休息室，面積相當廣大，令人一時以為身在溫泉旅館呢!
兩年前拆卸重建o既SUNROUTE PLAZA係我一直摯愛o既酒店，9月份重開當然要再幫趁。新裝果然非常現代化，比年初住過大阪o既NANKAI更甚，全白房間，黑色浴室用品!不過價錢比前高出很多之餘，還見到有康泰團入住，以後是否還再來，真的要考慮考慮!
相片還在整理中。