BDay dinner @L. Concept

10號係糧尾生日，為了遷就Janis所以昨晚先慶祝。地點係無去好耐o既 L. Concept，梗係順便探下黃波士兄妹啦。搬o左新屋都好好生意，星期五晚果然全場滿座，咦..唔見兩隻公關迎賓o既 ？ Piann話佢地下午去o左聚會玩到喪晒，變o左兩條蛇咁攤o係度，乜人叫都無反應。一於唔理佢地住，食野先。前菜鵝肝我無點，要o左煎鮑魚，夠晒"林"。湯，係野菌清湯，非常清甜。蟹肉薄餅 or 酥皮松露帶子盒，我選了後者，好香口。今晚o既特色係清香合時o既西瓜sorbet，人人讚呀! 可惜唔記得影。主菜：4個人選A6和牛，一個魷魚mousse&pama ham鱸魚卷，我就要波菜釀黑豬扒，全部都話正，尤其是魚卷!

食到一半，兩兄妹終於抖夠，開始出o黎巡場。波士而家大個仔，無咁中意同人玩，反而"滿滿"就成個管家婆咁。見人抱抱波士，佢就係咁抓上o黎，上唔到就大聲鬧，繼而出手打大佬，十分"倀雞"!

最後甜品出場，係ANDY特製o既朱古力生日蛋糕，好食到糧尾話要再訂多一個 !