街頭藝術?

近幾次在新宿，好喜歡去小田急百貨二樓一間咖啡店食pan cake早餐。上星期坐在同一窗邊位置，便望到街上一個貌似外籍人士作街頭表演，非常抵死。呢位仁兄身穿成套西裝兼打埋領呔，但睇真o的..件西裝衫腳似是穿了鐵線，佢把衫尾弄得像被大風向後吹起似的，那條領呔也一樣穿了鐵線，弄成被風吹上了面部模樣。佢先將一頂帽放在地下，便開始表演...手拿公事包，雙腳分得開開的，像趕時間大步走一樣，動作就咁靜止o左(扮石像 ？)。哈哈..一企就成5分鐘都唔郁。最初無乜人留意，但後來都吸引o左大班人停步睇，有唔少人俾錢，又有人企埋佢身邊做一樣姿勢叫朋友影相。影完相無"捐"錢，佢就轉頭"啤"住人，我同侍應妹妹笑到肚痛。佢每5分鐘就要換左右腳，之後檢視下帽子裡面o既收入，索性坐低食番支煙，再做第二輪。日本人一向好尊重街頭藝術，所以見佢不停有收入o架，咁都搵到食，真係虧佢諗得出!