睇醫生

左邊膊頭痛o左成兩，三個星期，著衫除衫都痛都暈咁滯，終於頂唔住，今日去見光頭高醫生。佢將我手臂扭前扭後又上又下，結果証實唔係我以為o既"五十肩"，而係筋肌勞損，淨係食藥就得，不過要暫停用左手拎重o野。佢又問近期有無做過o的以前未做過o既動作或運動。o下...我開始學緊瑜珈喎....醫生話可能又有關係，叫我暫停睇o下點先。橫掂睇開，我話想驗o下血，因為已經多年無驗，都想知道自己身體狀況。約o左下星期三，到時再話我知要驗o的乜。抽血...好驚喎!!!
行過銅鑼灣廣場一期，上面間星巴克開o左喇，似乎都幾多人喎。幾時又約埋阿二阿四同阿七去坐坐先。