又有新玩具

哈哈，終於o係香港賣到喇! 呢個係手機照片打印機呀。用手機影o左相後，只要開著紅外線對住呢部機按"send"，咁張2R相就會自動印出o黎，只需要幾機秒鐘咋，效果都幾好喎。如果想印多幾張分俾朋友，再按"repeat"就得喇。上次o係日本已經想賣，不過當時無帶到有紅外線手機，無得試咪唔敢買囉。價錢係一萬日元左右，香港賣$780，但係送一盒相紙($42十張)，同埋4粒鋰電池，加埋都成八，九十蚊啦，日本買就無o野送o忝。