不見天日的一天

作日接到朋友電話，叫我幫手翻譯o的o野，原來係一隻就快推出o既CD入面本書仔。其實都唔少
o野，又幾趕o添。好啦好啦....鬼叫識o左佢十幾廿年o羊。
約o左阿丁，阿四同阿七去UCC食飯，誰知臨時改去K buffet，無問題，笑餐飽o就返歸開工囉! 返到屋企，老公仲要我睇埋CSI 先，終於12點幾擺定濃茶+零食，開始寫.....到5點正，完成o左11頁紙，手都跛咁滯!
今日o係公司全日寫，街都無出過，再整多10頁。夜晚同聽日做埋o既話，我諗下星期一點都起得貨喇。其實我好中意呢o的不見天日o既寫稿日子o架，係o咁埋頭埋腦，唔開cd機，收音機，乜人同我講o野都聽唔到，幾乎陷入自閉狀態。
卡啦ok聽到隻魚蛋歌，邊個作o架？咁白痴o既o野想表達乜o野呢？唔明!!
隔離房睇緊阿旺，仲聽到佢唱歌，撞鬼! 呢位仁兄係咪無得撈呀，做極都係呢個角色，乜好多人中意咁o既低B 戲嗎？