又完成人生一頁

糧尾都結埋婚，老公話我o地又完成o左人生o既一頁喎。我唔係好中意咁講o架，好似就o黎唔知要去邊咁!
一對新人昨晚半夜起程，現時已經到o左比利時喇。除o左阿二落ordero既黑朱古力之外，佢o地o既另一重要任務，就係同我同阿女買LV，希望買到我o地o既心水返o黎啦。否則.....
講開呢次婚禮，居然發生o左一件講都無人信o既離奇爆笑事件。由於實在太奇妙之故，好難用筆墨形容，有機會要講故事至得。呢樣，可能係除o左溫泉旅館等電梯事件以來，我經歷過o既另一妙事囉。
近日因為WTO，我諗都無乜人會o黎同銅鑼灣找我喇。呢兩日街上多o左警察，少o左大陸人，夜晚明顯地人丁疏落，行落街都心慌慌咁，唔之為乜! 希望唔會搞出大件事就好囉。