下一個日本行程

剛剛返o黎兩星期，又開始要諗7月o既行程喇。原本7月1號要去睇一個演唱會，但因某些原因，讓o左個位俾人。咁..我6號先至出發，8號睇二叔o既日本首個演唱會，因為好好彩，託人代抽簽買飛改居然抽中o左，有機會代替阿七去捧二叔場喇。而剛好我o既日文老師亦o係o個段時間返去探親+渡假，佢o地一家大細同幾個朋友9號會去DISNEY SEA，仲o係其中一間樂園酒店住一晚，11號再飛去沖繩~佢老公家鄉。佢溜埋我去，好似幾吸引喎，所以..我去呀!不過唔去沖繩喇，一來水上活動我唔多o岩，而且都唔可能又行開咁耐啦，否則我隻貓會餓到扁o架，今次大概留一星期左右就走人。有機會行o下6月2號啟用o既成田機場Terminal 1新翼喎!