永別,Mary
一個識o左三十幾年o既朋友,幾年前患上乳癌,因為醫得太遲,癌細胞先後轉移到尾龍骨及腦部,返香港醫o左半年,終於都被打敗,走o左喇。
Mary廿幾年前嫁o左去日本,生o左個女。數年後,老公患上白血病,一直醫o左十多年,至舊年先再發病逝世。期間Mary自己亦發覺胸部有硬塊,不過佢掛住照顧老公同個女,一路都無去檢查。直至好唔舒服先睇醫生,但已證實係惡性腫瘤,即使割o左一邊都開始擴散到尾龍骨。老公過身後,佢返o左o黎香港醫病,因為起碼有家人陪伴,飲食都有人照顧啦。可惜癌細胞再擴散至腦部,令一隻眼失明。近幾個月,佢出入醫院,瘦到不似人形。就o係我由日本返o黎o個日,佢好安祥咁大解脫去喇。今日,佢家姐先通知我。傷心....
Mary廿幾年前嫁o左去日本,生o左個女。數年後,老公患上白血病,一直醫o左十多年,至舊年先再發病逝世。期間Mary自己亦發覺胸部有硬塊,不過佢掛住照顧老公同個女,一路都無去檢查。直至好唔舒服先睇醫生,但已證實係惡性腫瘤,即使割o左一邊都開始擴散到尾龍骨。老公過身後,佢返o左o黎香港醫病,因為起碼有家人陪伴,飲食都有人照顧啦。可惜癌細胞再擴散至腦部,令一隻眼失明。近幾個月,佢出入醫院,瘦到不似人形。就o係我由日本返o黎o個日,佢好安祥咁大解脫去喇。今日,佢家姐先通知我。傷心....

4 Comments:
At 6:21 午前,
Gloria said…
不過我都覺得做人好化學。
所以應該襯自己身體健康時,多d出去走走,開開心心咁享受健康帶黎既"自由"。
活在當下啦。
At 7:33 午後,
Gloria said…
一來啦,二來我地食太多製過既食物。長遠有乜影響都唔知。
At 12:29 午前,
阿二 said…
其實有時就算好人好姐都會無端端話有事,
化學到你唔信;
所以我幾時都話,吃得是褔,吃得下就吃八...
管他呢?!
At 12:40 午前,
Christina said…
總之有乜依郁都要快快睇醫生啦,千祈唔好畏疾忌醫呀。有另一朋友上星期自己摸到胸部有一粒,拿拿臨去見醫生,做齊晒檢驗,好彩只係乳腺發炎,無乜大礙。不過去佢話等報告出o個兩日,真係比死更難受。
コメントを投稿
<< Home