最怕見o既人

今日終於輪到我喇，去見一個見親都令我打冷震o既人...就係牙醫。其實老公幾個星期前去檢查，發現不單有蛀牙，而且以前補牙o既物料甩o左，要重新鑽過再補，或者落牙套。嘩，聽到都軟晒，所以佢去o左幾次我都唔會陪佢去。到今日差不多完工，到我都要去檢查喇。o係張令人打冷震o既手術椅度捱o左十幾分鐘，好開心咁聽到醫生話："你無蛀牙喎"。舒服晒，好過中獎呀! 最後，例行洗牙o既時候，我都緊張到搾晒拳頭，仲俾個姑娘取笑o忝。梗係啦，o個o的一支二支o野o係個口入面"we we"聲，你都咪話唔驚!