演唱會驚喜

為o左應酬二歌今年o既巡迴演唱，呢4個月每隔3星期就去一次日本，搞到好多應該做o既工作都未完成。加上月前家母離世，屋企隻貓王又年老多病，老實講真係覺得身心好疲累。
9月24號係二哥演唱會o既FINAL，本來抽唔到飛無得睇。幸好有日本朋友知道我25號生日，就好落力咁替我四圍問，終於找到有人讓出一張，等我可以o係CC Lemon Hall同二歌迎接生日!雖然位置o係二樓，不過係最前排正中。總之入到場就好，坐邊度都無所謂啦。
難道二哥知道我在場, 要俾o的驚喜我？ENCORE之前，佢講話好想去一o的未去過o既地方演唱，例如台灣，韓國等。又話自己以前o係香港好出名，突然仲用廣東話講"我係澤田研二"! 哇哇...廿幾年未聽過喇，眼淚都流! 日本人聽唔明，我明呀!
完場後，一o的認識o既日本fans都走埋o黎同我講，二哥俾o左份大禮你呀。無錯..我照單全收，乜野唔開心都
借歪先。ありがとう、ジュリーさん！