日本近日話題

o黎到東京幾日，每日新聞o既前線話題，除了"右口"首相終於認衰宣佈解散國會，準備再選之外，22號o既日全食亦係眾民關注o既大事。因為佢地稱為"皆既日蝕"(日全蝕)上次出現已是46年前o既事，好多人都未見過o架。當日雖然街上行人個個頭愕愕，可惜一直落雨，只有中午時份見到幾分鐘而且。我剛好在新宿街上，有幸見到蝕o左少少o既太陽，不過只係3分鐘。
今個星期六，又有大事舉行，就係日本三大煙花匯演之首o既"隅田川(淺草對出)花火大會"喇。電視台連日來都發表邊度邊度係睇煙花o既最佳地點，我諗o個日一早開始好多人就要去附近霸位喇 !又唔駛預我，因為我要去大宮睇二哥演唱會，好彩同淺草係相反方向o者。