生日＝雪糕日

25號一早，何小姐就催住去食早餐，話要西式o既，即是火腿蛋o個類。原來佢真夠傳統，話我生日一定要食蛋。哎..已經幾十歲仲要有"王"管咩!
今日行程係整日shopping..先去上野"二木"買食o既，拎住大包小包手都軟，午餐就o係附近間松板屋上面o既飯堂解決。中華海鮮炒面好脆脆，味道都唔錯。
返酒店放低o的包包，繼續向TOKYU HANDS 同高島屋進發。長假關係，百貨公司都做特價週，所以四圍人山人海，尤其多細路。行到四點幾，何小姐提議去TAKANO食生果下午茶，歇歇腳都好。我地分別點o左季節推介o既黃金桃&提子parfait，好睇又好味!
買埋蝦餅手信，已經五點多。由於訂o左o係酒店食shabu shabu, 所以應該返去執下個樣先。誰知行過ＨＤ雪糕店，馬上記得佢地逢係5,15及25號都做特價，650Yen就有5球，味道仲係任揀無限制, 確實抵食。有糖尿病O既何小姐第一個衝入去拎起張ORDER紙填選擇，我問係咪兩人食5球，佢話：我從未遇到做特價喎，又係你生日，要食番夠本，一於每人５球！o下...已經六點喇....!
第一次試京王o既火鍋店，外面有花園圍住，環境很不錯呢，不過客人不多。七點半開餐，先點一份前澤牛及一份鹿兒島牛＋黑毛豬SHABU SHABU套餐.有兩款刺身及前菜之外，肉O既份量亦算夠稱。大家仲想試埋黑毛和牛，所以追加一份。同先前兩種一樣都係入口即溶，跟米澤牛有得比！倒是黑毛豬肉質較”鞋”，有點失望。單尾還有烏冬，蕎麥麵或中華麵可選，但食唔落喇。甜品到．．密瓜＋又係雪糕！呢餐唔駛三萬YEN,酒店O黎鋼唔算貴，多謝何小姐請客。
我地兩人今日太放肆喇，三個幾鐘之內食O左七球雪糕，真係超晒標！
返O黎都唔敢講俾何小姐個女知呀。