xx茶房

去完醫生度，又夠鐘食晏。今日唔想飲茶，所以一干人等去o左都好耐無幫趁o既xx茶房。我份野拎到埋o黎，撞鬼! 隻麵豉湯碗居然有三度崩o既，連個蓋都崩埋，呢樣o野o係日本料理店係無可能出現o架嘛。我o地五個人，四個食完都未有第五個份，咖哩飯都要等餐懵。甜品又係，三催四請先拎o黎，雪糕已經溶緊喇。仲有呀，o的飯都唔知用乜o野米，食到個口"鞋"o既! 有無搞錯，轉o左老板定鋪租加o左呀？難怪而家同HSBC做緊PROMOTION，夜晚套餐半價，日間三點前埋單七五折。不過今日食到一肚火，老公話有四折都唔好叫佢喎!