逛書店

今日去中環同朋友拎機票，行過三聯就"鐘"o左入去，好......耐無行書店囉! 乜而家仲"輕"睇o的o羊心靈雞湯書嗎？四圍都係o既？!我自問係個好樂觀o既人，由細到大都係天跌落o黎當被"襟"，好難會見到我愁眉苦臉個樣o架。所以如果有日被人激親，或者有事令到我受苦o既時候，我唔相信呢種書會幫到我，因為其中好多都係個人意見，未必人人o岩用。我都係寧願要一個可以同我分 享心事o既朋友o係身邊，飲杯咖啡好過飲雞湯啦。
想搵本織冷衫o既書，又無乜新o野。終於決定買"藝妓的回憶"，其實早已想買喇，只係見咁厚驚無心機睇，而家又想o係電影上畫前睇晒先，希望得啦。另外又買o左本"來自身體的24個警訊"，睇o下自己仲有無o的奇難雜症。都係健康緊要呀。