氣氛緊張

一早未夠9點，屋企下面已經傳來嘈雜人聲，原來o黎o左一班韓國團體，拎晒橫額對正我o地度大閘叫囂，整o左成個鐘頭先走。唔知點解呢？落街返工時，見到隔離金百利落晒閘，無準備開門咁款，sogo就有好多"食焦"企晒o係門外，仲有通處都有警察，醫療服務站等等，搞到氣氛鬼咁緊張，要行快兩步返公司o忝。去時代廣場食完lunch，已經見到o的遊行隊伍行到公司後面，轉上馬師道天橋。我仲走埋過去望o下，又係堆滿防暴警察，個個神情緊張，不過佢o地o的制服好型呀!放工時又行洛克道，原來班示威人又o岩o岩行返轉頭，o係我後面咋，一路跟到返sogo然後坐晒o係東角道繼續叫囂，好在無乜行動o者。今日唯一好處真係四圍都無乜人，好少o係銅鑼灣行得咁舒服，食晏都唔駛訂位囉。不過呢o的咁o既聚會都係唔好再搞為妙喇，正一勞民傷財，擾亂社會生態!