糧尾入廠

糧尾度完蜜月返o黎，買o左隻德國鹹豬手俾我做手信，點知佢自己隻手都好似豬手咁呀! 原來佢話o係德國o個陣，自己去行山，唔知俾乜o野昆蟲咬到，隻右手手背到前臂腫晒，身同頸有幾粒紅腫。睇o左醫生幾日都未好，最弊係唔知俾乜o野咬。今晚見到佢，仲腫得犀利。所以食完聖誕餐又再去律敦治睇。正話打電話返o黎話要留院觀察，打靜脈注射喎。唉..咁就係佢婚後o既第一個聖誕節，難怪佢老婆仔眼都紅晒喇。