天芍壽司

好耐無o係香港食壽司0喇，今晚上完堂就同日文老師去間正宗o既日本料理"天芍"慢慢坐慢慢食。呢度價錢唔平，但用料極新鮮。師傅介紹一隻今日剛到貨來自北海道o既"石垣貝"，以前都未見過。拎到埋o黎仲郁郁o下，老師話有o的殘忍，不過好美味喎!仲有平目，鰹魚，uni都好新鮮。每人食o左十件左右，飲埋碗紅麵豉湯，師傅又送隻栗子雪糕..勁好味!飽晒!
以前個肥佬壽司師傅個樣好鬼惡，成日鬧伙計，又唔同人傾計，係人都怕o左佢。而家換o左個o黎o左香港8個月o既小肥佬，中意同人傾計又會介紹有乜好食，咁先似食壽司o架嘛!