100円 WE BUS好抵坐

上次去東京時已見過宣傳單張，但要到十月先開始運行。今次終於坐到呢架貫通新宿東西南口購物區，只收100円o既循環路線WE BUS。雖然話新宿西口往來東口行路都只係十零廿分鐘，南口更近。但如果o係大熱天時，或者天寒地凍，甚至買o野買到兩隻手都拎唔晒咁多o野，雙腳無力o既時候，真係會覺得呢架巴士好可愛o架!
我今次就差不多日日都坐過喇。起點係小田急百貨前面，經歌舞伎町，新宿三町目(伊勢丹傍，UNIQLO前)，JR南口，華盛頓酒店，HYATT REGENCY(最方便SALAD喇)，都廳，京王酒店對面，然後返小田急。坐晒唔落車都得，又有空調，100円係咪好抵呢？而且三個人以上的話，頭兩位照收，第三位開始只收50円咋。
各位下次記得利用o下喇。