鬼佬F4

今晚又去博覽館，睇鬼佬F4~IL DIVO 演唱會，有人俾埋飛坐$1280第7行，梗係開心啦。呢四個高大有型又幾好樣o既歐洲歌手，唱o既係浪漫情歌，有o的古典風味，佢o地o既CD銷量幾好o架。演唱會不但吸引洋人，場內所見，不同年齡階層o既香港觀眾亦不少(雖然只得八成滿，算係咁喇)。IL DIVO四個成員來自西班牙，德國，意大利&英國，唱o既都係大家都識o既英文歌，不過佢o地用西班牙文或意大利文唱，成晚得"MY WAY"唱o左一半英文咁多。雖然聽唔明，但係佢o地真係唱功一流，四部男聲合唱，五人樂隊加上香港管弦樂團伴奏，令每首歌都帶來另類o既效果。接近完場時，四人坐o係台邊演唱，場中o既女觀眾立委一窩蜂咁衝晒出去，不但獻花，送禮物，握手，仲要佢地一邊唱一邊簽名，搞到四個頭擰擰，真係好搞笑，難得又唔見有"食蕉"出o黎阻擋。呢個場面，令我忽然諗起台灣o既F4，好...懷念佢o地o既演唱會呀!!
仲有完場時散落o黎粉紅色花瓣，好日本feel!
比Clapton仍演唱會時間更短，八點廿五分到十點十分就收工，我返到屋企剛好十一點。