祝大家富貴吉祥

<
過年對於我o黎講，只係係勞動節，一o的都唔覺得開心。我自己係基督教，但我老公個阿媽拜神。不過佢話拜o既唔係神而係祖先。唔知有乜分別，只知每逢過時過節佢就係咁o係度摺金銀(只係一張紙)，然後燒燒燒(令我氣管好唔妥)!雖然我唔會跟佢拜，但係要為佢預備一切用品，雞呀，燒肉呀就不在話下，過年仲要埋o的乜鬼只係擺而唔食o既雜菜，豬利(aak..)之類一大堆，加上其他食用材料，一日出入街市幾次，真係拎到手都軟。年卅晚搞一餐團年飯之後，氣都未回又要煮齋俾佢半夜拜神，等佢拜完又要收拾。年初一又係咁，成晚要等到半夜拜埋開年至可以收工，仲慘過做賓賓! 所以過年o個幾晚，無4，5點都唔駛訓!話時話，佢都幾憎我唔同佢幫佢拜o架。睬你，我自細已經係教徒，我媽媽又唔拜神，無咁習慣!我夠憎咯!老公問我過年開唔開心，我話呢種唔係我想過o既年呀!簡直係全無樂趣可言!不過，今年幾高興，因為新結婚o既糧尾居然識得俾$我過年呀!
我平時中意睇花，但係好少會買返屋企插，因為怕有蟲蟲。不過o個日見到好多人拎住一枝枝有紅色粒粒o既植物，相當得意，原來叫做富貴子，咁我又買o左兩枝玩玩。好似Annie咁，我都無咁高o既花樽。搵o左半日，終於o係IKEA發現一隻裝特長意大利粉o既玻璃瓶，夠高夠厚又夠平，$29即買!

諗起又講o下

06年o既第一次日本行，第一次見到Agnes b.減價，又買到好中意o既JPG手袋，Black Label黑T。食o左兩次蟹同埋至愛o既士多o卑梨，。買到來生孝夫同中森明菜o既演唱DVD，糧尾要o既太鼓。終於要寄o左兩盒，仲帶住30kg行李返，收穫都算幾滿足。不過，無去到o係京王百貨一年一度o既"車站便當大會"，真係有o的遺憾。差兩日又去唔到明仔o既二十週年party也是遺憾。
二哥演唱會都算好睇，佢把聲真係超正，仍然唱到同碟一樣。最高興聽到佢話今年會演出電視劇，一月中開拍，四月就有得睇喇。9月份開始做巡迴演唱會，咁到時又要plan plan喇．．．

還魂喇!

由日本返o黎，即晚開始已經週身骨痛。唔係因為運動(行路)太多喎，而係香港o既濕度太高喇，搞到每個關節都好似俾人擰轉o左咁，加上o的"旅行回來未還魂症候群"，差不多成個星期都混混沌沌，一事無成!但係始終要提起精神喇，因為年近歲晚，又係大掃除時間，就由今日開始...
旅行相，阿四同阿丁都po好多，我仲有o的佢o地走o左之後影o既。好似我o地因為陰錯陽差而無食到o既HD特價雪糕($42有五大球!)，現正開始合時，色香味一流兼價平o既至愛士多o卑梨啦。
好耐無試過咁多人一齊o係一本玩喇，起碼"人多好食作"，每餐都食得好開心。有機會要搞次廖府旅行團，一齊去北海道浸溫泉兼玩雪，唔知阿廖生有無興趣呢？