又一刀

我同人猜枚都無奸茅，點解會有彈弓指o架？八月頭去打o左支類固醇，隻姆指逐漸唔痛又可以屈到，仲以為好番啦，點知未夠3個月又番發，"直豎姆指"再次出現，仲痛過上次。終於今日都要去QM搵周教授睇睇。佢一見就話要做手術先得喇，因為類固醇針半年內唔可以打兩次，否則條筋可能會斷。佢好詳細咁講埋手術o既程序，無須入院，o係佢office做，局部麻醉，話要縫3針，應該半小時搞掂，兩星期後拆線，等隻手指慢慢活動番就得。佢話呢3個月都唔會出門，隨我幾時做都得。哈...但我要出門嘛，梗係儘快快快啦。booko左19號下午做喇，咁會有o的復完時間，去日本都開心o的! 計埋呢次，我已經受過5刀，真係唔知欠o左邊個o的乜野呢？