忽然台灣行

由於朋友工作安排有變，原定本月底o既日本仙台遊臨陣泡了湯。不過，哈哈..老公發現佢有o的里程積分就快到期，而佢又無地方想去，就好大方咁讓俾我，o岩o岩夠一張台灣機票!真係話都無咁o岩，有個朋友又係同樣情況，於是我地又成團囉!3月5號去7號返，短短3日，正值台灣櫻花盛放，去唔到日本呢度都有得睇，一於冒險再上陽明山!

初戀之香

最近在日本看SMAPXSMAP節目，見他們介紹一新品種的草莓，真的覺得"日本乜都有"這句話沒錯。一般鮮紅紅的草莓竟有白色新種，而且試食的人說是非常甜美，令一向鍾愛此物的我恨得牙癢癢的!今天終於從日本新聞中看到近日已引起注目的白草莓的記事。據說是20年前，由山梨縣及福島縣兩位果園主人在合力開發新品種時無意中發現的，經過長年的培植及改良，終於到今年初才公開面世，並以"初戀之香"為名。白草莓的糖度為12度，與紅草莓並排時紅白相映，賣相可愛，因此甫上市即大受食家歡迎。不過由於產量極少，售價亦不便宜...每顆要賣500円呢!!有機會也要試試吧!