初嚐貓C咖啡

移居印尼雅加達o既朋友Melaine，生活悶到發慌，係咁ngai人去陪佢玩。見月頭無乜野做，就同另一朋友去探探佢，4日3晚住埋佢屋企。
一落機，Melaine就叫司機直去超大商場Plaza Indonesia，帶我地試試名聞已久o既"貓C"咖啡! 何謂"貓C"咖啡，請看另文介紹。這種由麝香貓排洩下來o既咖啡豆，由於產量不多，據稱是世上最貴o既咖啡。香港某5星級酒店就賣差不多二百元一杯。
o係店內飲"貓C"，店員會拎到客人面前即沖。先把咖啡粉一包倒入杯，沖滾水，蓋上杯蓋等2分鐘便飲得。有人話諗起係貓排洩出來之物，會有點兒噁心，唔諗咪得囉! 其實飲落唔覺得有甚麼特別，顏色較深，卻並非特別香濃(當然唔係臭啦)，真係純粹慕名一試而已，值唔值咁貴真係見仁見智。
"貓C"咖啡每包(10克)賣82000Rp(印尼盾)=HK$66，仲要加10%(印尼買乜都要加稅) !
o係印尼最開心係可以做下百萬富翁，拎住一千蚊港幣就有一百二十萬喇!!
**********************************************************************************************
印度尼西亞文“Kopi”系指「咖啡」的意思；而“Luwak”是印度尼西亞人指一種俗稱「麝香貓」的樹棲野生動物。
由於Luwak的活動範圍是屬於中低海拔，所以咖啡品種大部分是羅布斯塔豆，至於高海拔的阿拉比卡豆則產量更為稀有。當Luwak在夜間覓食時，透過其敏銳的嗅覺，只挑選咖啡樹中最成熟香甜、飽滿多汁的咖啡果實食用。果實經過其消化系統分解掉外表的果肉，然而堅硬的果核仍不被消化原封不動地被排出。消化期間Luwak的胃酸分解了咖啡豆的苦的物質「蛋白質」，及腸道特殊菌種發酵而產生無與倫比的變化，它的風味變得獨特，味道特別香醇，豐富圓潤的香甜口感其它咖啡豆更是無法比擬。於是印度尼西亞人就把Luwak發酵後排出的咖啡豆，經收集、晾幹、清洗、脫殼、挑選、烘焙等步驟，制造出全球最稀有、最獨特、最珍貴的咖啡。

肥死人但好味的roll cake

大阪一家位於堂島區o既西餅店Mon ChouChou出品o既"堂島roll cake"，類似香港o既瑞士卷，不過呢隻就只有一層唔夠15cm.厚 o既鬆軟蛋糕捲住成"筒"鮮忌廉。賣點話係用北海道最靚o既牛奶打成忌廉，份外軟滑，成條都只賣1260円。一經推出，就賣到日日排長龍兼預訂先有貨咁巴閉，分店開到四圍有喇。舊年去名古屋時，朋友帶我去車站對面Midland Square分店o既cafe，一試招牌下午茶"堂島roll set"，包括一件3cm 厚的堂島卷蛋糕，一球香濃o既紅茶雪糕同咖啡或茶，1150円都算抵食o架。雖然增磅指數高到爆燈，不過唔係時常食，算啦! 最近自己再去，點o左個無雪糕但多件自選cake o既set，因為見到栗子蛋糕不能抗拒，結果"漏"到晚飯都唔駛食! 希望十月o既團友都可以一試，最緊要睇下有無時間排隊先。