新發現日本料理

早排返o黎探親o既家姐話要食靚壽司，唔係板乜，板物o的港式野。好彩問到日本朋友介紹渣甸街渣甸中心上面o既"湖舟"，由日本人袖山先生主廚。自己同何小姐先上去試試。一層一店o既面積不太大，原木裝修夠晒日式。中午lunch set價錢$130~，跟和三昧差不多。點了蟹肉飯set， 包括前菜，沙拉，茶碗蒸蛋及甜品。雖然要$250，不過份量十足兼鮮味，木桶仔上o既蟹肉仲多過飯!何小姐點o既燒牛舌拼北海道腸又係一絕，牛舌熟透都唔韌。我地一致認為可以有下次。
家姐臨走前日就約埋一行8人再去。各有各點，當然要試壽司，刺身之類，果然係材料新鮮，大細剛好，唔似港式壽司咁，以為大舊飯就抵食啊。8人埋單$1800 有找。
事隔兩日，又約Janis同佢舊同事晚飯。閒日晚上不多客，不過無dinner set，散點菜式不算貴得離譜，每人消費唔駛$500。呢晚最開心，係袖山先生居然由日本空運o左兩棵開得燦爛o既櫻花，等我地可以搶先賞櫻!
結果，我未去日本前o既8日內，已經幫趁o左'湖舟"4次!
Annie Lai，你見到蟹肉飯唔好流口水呀!

北澤不見了!

相隔只個多月，今次o黎日本，驚見一o的好熟悉o既店鋪關了門。數數有 ：新宿高島屋12樓o既大型唱片店HMV，有樂町成棟西武，幾十年歷史o既連鎖電器店SAKURAYA,名古屋o既松阪屋，東京都內幾間三越同崇光，小田急上面我時常去食飯o既日本料理店，最震驚係唔見o左最中意o既"北澤俱樂部"，變o左另一間迴轉壽司!經濟咁差，真係戥o的"一半人"心寒!

iMAX

近數月來o既話題電影[阿凡達]，三星期前訂位，今日終於等到喇，當然要試新野去I square o既imax啦。
咁大個人第一次睇咁大製作，真係眼界大開。音響，色彩，特技加埋近在眼前o既視覺效果，呢百六蚊俾得好心服!曾看過報章有說這部片應有credit給予高錕先生，原來片中無數漂亮o既森林花卉樹木都係用上光纖效能o架。
雖然開映前有宣佈，謂可能有觀眾未能適應imax效果而引起暈眩，因此若感到不適的話，應闔上眼片刻便可。不過，差不多三小時連續地俾高度聲響轟炸，眼前不停咁有野飛o黎飛去，雖然我坐尾二行中間，散場時都有o的暈暈地!唔知就o黎上o既[愛麗斯夢遊先仙境]會唔會都係咁多野飛呢？起碼無打仗嘛!
新商場可以話十分方便，地鐵尖沙咀站C出口有連接，街都唔駛出。商場內部顏色清爽，樓底夠高所以感覺幾舒服，食肆可算多，其他店舖就未開晒(居然見到好中意o既PANASH 麵包店有埋cafe restuarant呀)。希望唔好做做o下變埋朗豪坊咁"立雜"啦。