我家大貓

養o左十幾年o既大貓，一向身體安康，無病無痛。最近大便不暢，三兩日才出貨。女婿Jazz 有個獸醫朋友，便請佢上門睇睇，佢話便秘係老人(貓)病，腸臟移動較慢之故。於是開o左o的纖維丸，維他命丸，亦話可以餵些少橄欖油，潤滑o下o的腸。食o左藥一星期都無乜進展，但貓糧照食水照飲，有小便，只係無得大o者，我仲日日同佢按摩個肚肚。不過前日發現佢個肚開始脹大，令佢行步路都痛到呱呱喊，又唔肯俾我餵藥，聽見距佢咁喊，真係骨都赤埋!昨晚獸醫再o黎，原本準備開輕瀉藥水俾佢，但係見隻貓個肚脹成咁，我問佢可唔可以做手術放便。獸醫話最好就做，只不過隻貓已經17歲，驚佢頂唔住o的麻醉藥，萬一醒唔番就對我地唔住，因為同我女婿係朋友嘛。而且，未別人人都會花七，八千蚊去醫隻咁老o既寵物，到時可能貓又無錢又無o架嘛! 我地話隻貓唔係寵物，係屋企人，決定點都要冒險同大貓做手術放便，即使佢唔好彩要走，咁起碼佢都唔會脹住個肚咁痛丫。所以昨晚就送o左佢入院。
今日，醫生同佢驗o左身體，知道係肝&腎都開始衰退，引致腸臟吸收唔到水份而便秘。下午就用局部麻醉做o左手術放o左大部份，其餘o既就要佢食藥自己屙，等o的腸郁番，否則日後又會再塞住o架。現在我地稍為安心，最重要係知道佢無cancer之類o既重病。等佢俾醫生照顧多幾日，先接佢返o黎。
養o左佢十七年，呢兩日見唔到兩隻眼仔luk luk，但仍然好似聽到佢把聲咁!
大貓，頂住呀!

Flame 火

TG Avenue 早前關門裝修，聽說會轉做中菜。但日前重開，卻仍是西菜，只不過已改名為"FLAME"( 火)，由名廚RICKY 主理，做FUSION野。今日就同朋友去試o左個午餐。餐廳由以前面向海皮油站轉至街角位置，較顯眼，裝修亦比前優雅。

昨晚先同ANNIE講緊食蟹，哈哈，有喇! 呢度 午餐有沙拉，湯，主菜，甜品，選3樣$108，4樣$138，都唔算貴。我地點晒4樣 ：蘭度豆西柚沙拉，南瓜甘筍排骨湯，阿拉斯加蟹卻腳扁意大利粉+Tiramisu. 份量夠晒，幾好味道喎，聽日又同JANIS 再encore ! 以前TGA o既VIP卡整個八月份仲會有八折o忝 !

b.仔Kiosk

真係開得就o黎多過銀行o既b.仔，最近又o係時代廣場3/F開多間分店，仲o係鋪外面整間kiosk，賣飲品同蛋糕三文治，實行同樓上樓下o既星巴克，P.coffee 爭o下生意。鋪位細細，係自助形式。新張呢個月，AMI卡仲有買一送一優惠，飲品（果汁除外）蛋糕都有。好抵！

真夏の日本

從來未體驗過咁熱o既日本7月! 氣溫34, 5度，烏雲密佈，濕度高，出街十分鐘已經周身"立黐黐"，覺得自己似條鹹魚，情況仲惡劣過香港 ! 有幾日仲行雷閃電勁落雨，搞到四圍o的 JR火車都要停駛 。 難怪今次見到唔少平日四四正正o既日本人，男男女女都短褲+croccs，擔遮兼戴帽上街！
同各位準備搭 ANA呢班羽田 midnight flight o既團友報告o下先.....過程確實都幾麻煩 ! 由於 機場Limo bus八點幾先開，六點半到o左無理由白等個幾兩個鐘嘛。所以我先由國際機場坐接駁巴士去Terminal 1，轉坐半小時單軌火車到濱松町，再轉山手線去新宿，到達酒店剛好八點半。但呢個方法只適合週末或假期喎，因為平日的話，早上返工時間o既山手線，係無可能俾你拎住行李上到車o架! 解決方法 ：機場似乎有一兩間cafe開o左，唯有坐低飲杯咖啡等Limo bus啦。我九月再去時會試試先。

回程仲頭爆。新宿先去Terminal２，轉接駁巴士去國際機場。呢一程最麻煩係Term. 2落車後，要拎住o的行李行一大段路，又上又落先去到接駁車站。購物狂如我同Janis就要練定力先得喇！

仲有，o係呢個細少o既國際機場同時間check in o既，除ANA, JAL之外，還有兩架韓國機，加上多團香港旅行團，場面真係勁虛撼（可能係暑假啦）.....海關入口只得兩個，警衛人員又唔友善，所以大家要有心理準備 ! 咁....我最多搭埋已經訂o左o個3程，以後都唔好預我喇！！不過講真，時間上確實係早機去夜機返，呢樣抵囉。
預o左要去o既國立新美術館，就o係Midtown向前行不遠，呢座建築物外型好grand，設計好正!入面兩間空中餐廳都試過喇。三星廚師Paul Bocuse o既法國料理真係幾掂，3 course午餐￥2600都唔係太貴o者。另一家cafe o既甜品又係幾得o架，而且好中意坐係度個種居高臨下o既感覺 !

本想坐坐新既副都心線，去渋谷睇o下個新設計o既車站，但天氣熱到唔想去咁多人既地方，倒是坐左另一條新開發既市外鐵路"筑波Express (TX)", 郊外地方空氣清新好多！車站旁邊就有新商場一大個，裡面各類店舖都有，人少少十分舒適。結果，我o係入面消磨o左成日，睇埋電影版”花樣男子～結局篇”先走。

另一新發現，係新宿開o左間好大好靚既Muji，地庫做埋Cafe，廖太團友們一定要去朝拜！

夏天去日本肯定會食到好多靚生果，除了合時o既水蜜桃，仲試o左最近好受歡迎o既沖繩芒果，同勁香甜既宮崎芒果。好...味啊！

睇全部相片請去：//xina925.spaces.live.com