藤田惠美記招

我一個老友Neo 早前話我知佢轉o左做production，除o左幫人做廣告宣傳之外，仲搞埋演唱會，而第一炮就請o左日本女歌手藤田惠美o黎，5月11號灣仔會展唱一場。o係今時今日，都可謂~~"勇!
記唔記得97年套日劇"同一屋簷下2"o個首好優美o既主題曲"溫暖的詩句"？原唱者係一對夫婦組合le couple,首歌hit o個陣，佢o地都o黎過香港做甚麼頒獎禮o既嘉賓。後來兩人分開發展，個老婆藤田惠美出o左幾隻個人CD，又去過歐洲，台灣演唱。可惜香港o既唱片公司一路無乜做宣傳，就似乎無乜人記得佢囉。今日藤田惠美o黎o左香港，中午o係海港城開演唱會記招，Neo叫到梗要去捧場啦。年近四十o既藤田就唔係靠樣喇，但係把聲就無得彈，佢現場唱o左首成名作之外，仲唱隻英文歌"my heart will go on"。正值午飯時後，都吸引幾多人圍觀o架。不過買飛去睇又係另一回事喎，會展3千幾位，最貴$480，都有o的擔心o架，聽日文歌o既始終都係得o個一撮人，希望搵番o的駐港o既日本人支持o下啦。
其實，中意聽日本歌o既人都話已經餓o左好耐喇，因為無乜邊個肯冒險。我上次o係香港睇o既日本演唱會係幾時？邊個o既？松任谷由實還是小田和正？耐到唔記得喇!我都希望呢個有好成績喇，因為Neo話可能會繼續搞另一個o忝。
最弊又會咁o岩o既，5月11號我上機去日本，無得睇呀!

搵到!

返公司查o下，終於搵到"向悲哀說再見"中文版o既歌名喇!原來有兩首o架，一首係蔡國權o既"誰最愛你"，另一首係杜麗莎o既"再見悲哀"，有成十年歷史喇。

諗爆頭

F4演唱會第一場之後，大家都話小V唱o個首日文歌好聽，問我係乜名，中文版又係邊隻。日文係安全地帶o既"悲しみにさよなら”(向悲哀說再見)。以前做音樂出版工作時，呢o的改編歌曲真係唸到滾瓜爛熟，放低幾年就好多都唔記得喇。中文版.....等我番查o下先。

勁感動

曲終人散，唔知既時再會見到四仔o係同一舞台上出現!!
最後一場，阿旭唱"國歌"時，"秤"o左柴姐上台，先係手拖手，繼而相擁，兩個人都眼有淚光，真情流露，相信佢o地都想起一起經歷過o既一切，我諗好多觀眾都同我一樣，感動到跟埋佢o地眼濕濕喇。畢竟，沒有柴姐，真係唔會有F4，四仔點都要好感激呢位阿姐至得。

果然有改進

第一晚綵排之後果然改善o左好多，，起碼個樂隊個鼓手都打得勁o的，觀眾都叫得響o的啦，氣氛當堂唔同晒!
小V今晚唱韓文歌把聲好正，阿仔依然係最得人歡心，孝天隻"一個好人"今晚掂晒，阿旭就得隻"童話"較似樣，梗係啦，指明唱俾媽媽聽喎!睇o下聽晚又點先...

期待～～失望

諗都諗唔到，等o左三年幾o既演唱會居然會覺得悶！一開場四人合唱o個部分, 因為音響太差，聽都未聽真就完o左，接住就係悶場開始。都唔明點解要安排咁多跳舞場面，係要佢o地表演跳舞o即？好明顯，今次反應已經無上次咁熱烈喇。雖然服裝好過上次，起碼係正常人著o既o野，但係o的料好差，件件霉菜咁。樂隊雖然話係由名人領導，但成員就好似拉雜成軍咁，完全唔起勁，差．．．．好多想聽o既歌都欠奉，rundown唔知邊個編o既?覺得只有仔仔唱”Love Is Over”，旭ｏ既新版”要定你”同小Vｏ既新版”我討厭我自己”比較特別。孝天雖然好落力，不過o的歌唔夠熟囉。唔知係咪今次o既大主顧係來自日本之故，居然要為o的日本fans播條特別o既片段，仲要小Ｖ唱番首安全地帶o既日文歌o黎娛”賓”？有o的不知所謂喎!!
演唱會首場通常都係當綵排o者，希望佢o地今晚會檢討一o下再改善，打後幾晚會好o的，等大家留番個好印象啦。

泰得意

講番o係4 seasons食泰料理時，o的甜品好靚呀，一粒粒生果做到真o既一樣，尤其是粒車厘子，擠到入口至知係做出o黎咋。酒店間日本料理SHINTARO聽講係曼谷最好o既，廚師手勢幾好，價錢比香港平。
酒店門外左右兩旁都有蓮花池，未有花但係o的葉都幾養眼o架。

五隻羊牯

昨晚差不多十一點返到HK，一落機就差o的凍C!日頭o係曼谷35度，夜晚就得十一度，好在有件薄薄風衣，過無啦。但係著住對人字拖，腳就變雪條囉。
十幾年再去泰國，城市係多o左好多高樓大廈，靚酒店，旅遊業發展很快，但係弊在識英文o既人好少，溝通好困難。以前的士完全無咪錶，去地方一定要先問價，好煩。而家o的士全部裝晒咪表，以為有進步，不過仍然好多都要先問價，講價。有o的司機嫌近，唔載；有o的嫌人多，唔載；你要佢睇錶，又唔載，尤其是夜晚。雖然Connie提我儘量搭空鐵，但有o的地方唔近車站，人生又路不熟，無辦法。我o地五個人，第一日下午未夠五點要去一個夜市，上o左o架的士，朋友拎住本旅遊書問司機知唔知點去，佢睇o左一陣up up頭就開車。我o地掛住傾計，無理佢點行，因為都唔知乜o野方向。大概過o左30分鐘就覺得唔對路，因為夜市無理由咁遠嘛，問司機到未佢又無表示，我o地開始留意o的路，發覺已經唔係市中心。再隔一陣，去到一個十字路口，我見到前面有一大堆好靚o既金色泰式建築物，又剛好等紅燈，我就拎相機影(因我坐車頭)，仲問佢係咪palace，又係無反應，因為佢根本唔曉英文(都唔知係咪詐o既，其實真係皇宮o黎呀)。轉綠燈佢就轉灣，去到皇宮側門停低叫我o地落車，我o地問夜市o係邊佢就亂咁指，又前又後，真係把幾火。o個時已經係6點，佢白白同我o地遊o左一個鐘車河!好在泰國物價平，車錢只不過90銖(即18港幣)。o係o個度都幾驚o架，都唔乜o野區，天又開黑。好彩見到個好好o既女士行過，我o地問o路佢又唔多識英文，佢居然用手機call個o岩o岩上o左巴士o既朋友落番車過o黎幫手。講o左一陣，又問o左皇宮o既守衛，佢終於明白我o地想去o既夜市，就幫我o地搵的士講埋目的地，仲好友善咁同我o地拜拜，等o架車開o左先行。真係多謝呢兩個咁好心o既人喇!原來個夜市係o係回頭o既方向，離開最初上車o既地方只不過10分鐘咋!!!你話佢會車到我o地去邊丫？可能去ｏ左越南都似！而家我o地五個人仲o係度咒詛緊呢個敗類o架!
由夜市返酒店又係好勞氣呀。因為遊客多咪唔憂做囉，全部的士都話唔開錶，唔坐罷就。結果講o左一架去FOUR SEASONS收150銖。車到一間大酒店對面佢就話到喇，望o下...係MERIDIEN，唔係4SEASON 喎。咁佢居然話："4 SEASONS？VERY FAR, YOU PAY 200 "。你話死唔死，只不過o係轉角之嘛，咁都要呃！唔通我o地五個額頭都寫住個”羊”字o羊O下？

豪華曼谷遊

做得魔鬼多，今次俾人引誘番一次。阿女同女婿加兩個朋友一行5人，下星期五去曼谷2晚3日。阿女有2晚FOUR SEASONS COM 房，咁唔通我訂另一間o羊，所以又試o下豪o的啦。但原來去泰國機票係相當搶手喎，問
o左3間都係waitlist，終於等到cx有位，梗係最貴，加埋兩晚酒店就要四千三百幾，可以去兩次台灣喇，認真豪華！上一次去泰國係十幾年前為公事，都無乜時間玩。隔ｏ左咁耐，曼谷都應該完全唔同，有ｏ的新鮮感ｏ卦。