沙漠探險

同姨甥仔/女們計劃o左幾個月o既澳洲沙漠行，聽晚出發喇。先飛悉尼轉機往澳洲中部o既Alice Srping, 會合已經o係星期六由墨爾本開車抵步o既我家姐一家，然後一齊向著名o既大石Ayers Rock進發。整個旅程長達十天，由姨甥們分擔駕駛任務，沿途會有很多景點，甚至有酒莊可以參觀，晚上就會入住渡假屋休息，不過就可能無乜好o野食，沙漠嘛。
落雪地方去得多，沙漠就第一次。聽已經到達附近o既姨甥講，當地氣溫係38度，好驚啊，會唔會熱到融掉或是可以減肥膏十磅八磅呢？佢地話仲會見都好多巨型蜥蝪，大蛇之類...我咪要帶埋殺蟲劑!
十日之後會落番墨爾本住家姐屋企兩日，食番o的好o野先返港。
型狀似座巨大平台o既Ayers Rock咁出名，係佢o係不同角度陽光照射之下會出現不同o既顏色，所以有人由日出開始就開始影相喇。
照片借用一位Mr. Cheng 的作品

KITTY 格格 XO 醬

前日排隊買完化妝品，今日又收到另一KITTY 產品，呢隻貓貓真係秒秒鐘都搵緊錢，同蓋恣有得揮呀。
Charlotte由台灣返o黎o既手信，竟然係KITTY 格格做招牌o既蝦干XO醬!哎o也..個包裝咁靚，點捨得開？
多謝，Charlotte! 係咪第二航站至有得賣？我坐國泰，所以見唔到啊!

貓貓化妝品

隻Kitty 貓的確魅力沒法擋。近日推出同MAC合作o既化妝品，今日輪到o係SOGO發賣，未開鋪一早已經有長龍兩條。受Janis&Amy 所託，我都要乖乖地排埋一份。雖說大家都無用開MAC 化妝品，不過貓迷都要係咁意買番o的做紀念。每人限買5件，同一貨品仲唔可以相同顏色，本來有幾樣精品如小鏡，手鍊，匙扣，化妝袋，14"公仔等，不過老早已全部賣光! 排o左剛好兩個鐘，買到胭脂，唇彩，甲油。價錢唔算貴，五樣o野六百幾蚊。一齊排隊o既有人剛去完台灣，都話早知o係o個邊買，因為完全無人爭呀!

豪lunch

朋友Melaine個鬼佬老公Greg，前日叫埋我地幾個女友一齊食午飯，話要慶祝佢自己剛去領事館RENEW o左本美國護照喎，真係傻傻地。其實係佢"為食"，想搵人陪佢食牛扒就真! 一行5人去利園4樓o既LAWRY'S,以前都o黎過，雖然幾貴，但呢度o的牛肉真係幾正o架。坐低就每人先o黎一隻龍蝦尾，再各自點午餐。鬼佬中意o個度o既California Cut, 話夠晒份量。我地就點蟹肉沙拉做頭盤，主菜就分別要o左青咖哩龍蝦尾配飯，燒牛肉沙拉同野菌意大利粉，再加一客蒜蓉磨菇。Greg好開心有四美陪食飯，所以仲開o左兩支香檳。LAWRY'S 除o左牛肉靚之外，連配菜o的薯蓉，TOSS SALAD都好出名。每樣份量唔細，材料新鮮，結果大家飽到甜品都食唔落..其實我最欣賞龍蝦尾，啖啖肉，yummy! 佢地而家做緊promotion，用花x銀行白金卡，午餐買三送一。埋單$4200，我地問鬼佬幾時再RENEW 護照，佢話十年後啦!
鬼佬Greg，個樣好似年輕o既Bruce Willis，係咪？

一場歡喜

好在機票是積分換的，否則一定dum心!
滿以為是台灣花季，唔駛去日本都有櫻花睇，誰料突變的天氣將行程完全搗毀。12，3度低溫加上三日橫風大雨，你話去得邊丫？無乜趣之餘，只好做番o的指定動作，崇光，三越，買日劇，星巴克，老天祿，小籠包，牛肉麵，食冰同埋自助餐，全無新意，最緊要係唔駛俾雨淋。
講開自助餐，o個間好多人中意去o既"上x屋"，如今水準已大不如前，食物種類少o左好多，客人少o左，連做料理o既檔口都無開晒，個場頗為冷清，我諗以後可以放棄喇。由於落大雨，第二晚去o左酒店(今次住凱撒)附近o既"欣葉"，好似WASABI咁都係日式自助餐。呢間OK喎，個場幾大，食物種類多而且新鮮衛生。魚生，生蠔都係放在玻璃櫃內，即叫即切。價錢只貴"上X屋"些少，可以再ENCORE。
一年不見，老天祿鴨翼居然加價$5台幣，而家要$27一隻，鴨舌頭半斤要$500喇!
傍晚回港，酒店斜對面不遠是機場巴士站，但滂沱大雨，拉住行李有遮都無用，簡直係望站輕嘆。結果要坐的士$1200大元，舒舒服服到機場!
櫻花？o係去機場途中隔遠都見到一棵囉! 唉....