One more day

Just one more day and I can get back my hard disc la....cost me $$$ to recover it !!(;_;)....

食牛雜熱潮

十多年前，日本曾經興起食牛內臟(即牛雜，日文叫ホルモン），忽然開o左好多食ホルモン火鍋o既鋪頭，宣傳話係健康食品，吸引不少OL爭相幫趁。唔知幾時，呢個熱潮冷卻下來，直到今年，牛雜又返來喇，尤其是用o黎做燒肉o既材料。
同事就帶o左我同Julieちゃん去惠比壽一間燒肉店開餐，雖然有正常o既牛肉，牛肋排之類，不過牛o既內臟真係乜都有得供應，我地香港唔食o既都有，睇見張menu甚為驚嚇，我當然無食啦!
double click張相放大睇。

東京聖誕燈飾

今次唔夠時間去睇晒各區o既燈飾，夜間只影到Midtown同Tokyo Dome酒店下面，日間則影到新宿o既聖誕佈置，少少地交貨。

電車男&愛馬仕~真人版

最近o係有關沢田研二o既網頁認識o左一個日本blog友，見佢將二哥一o的歌詞翻譯成英文放o係youtube度，譯得好好，於是同佢溝通溝通，知道原來係個35歲o既男子。講起偶像份外精神，又知道大家都會去TOKYO DOME 睇演唱會，於是一拍即合咁約定早一日o係DOME HOTEL LOBBY 見個面先。其實都幾驚，唔知會係個山口組定係個痴漢。於是拉埋同我一齊去日本o既老友SAM 同BEN 陪住。哈哈，聖誕樹下等緊o既，係個戴眼鏡"咩"住背囊，高版o既電車男!好彩唔係戇居居，而係幾醒目又講得一口流利英文o既正常人!四個二哥迷由兩點傾到五點都未收得，結果電車男話佢女朋友放o左工都想o黎見o下我地。半小時後，一個又瘦(係勁瘦)又高又斯文o既長髮小姐出現，佢一企定就o黎個90度大鞠躬打招呼，跟住..膝頭掂地咁雙手奉上禮物一大袋，好有禮咁話兩樽藍色包裝o既紅酒係俾兩位男士。紅色o個樽就俾我o既。嘩，我地三個眼都突埋，駛唔駛呀! 然後，佢都唔敢坐低o架，等我請佢幾次先至好恭敬咁坐得四四正正，仲笑都唔咁笑! 然後電車男介紹佢女友以前o既工作，係一間好有名o既酒店公關，專門接待外國VIP如英國首相，中東油皇等等，怪唔知咁好禮啦! 望下佢原來拎住個HERMES手袋，佢話係汶來皇子送o架。阿Ben細細聲同我講，個女子好似中谷美紀，呢兩個係咪真人版o既電車男同愛馬仕o黎o架。係喎，個男o既話佢中意簡單生活，中意上網，聽二哥同搖滾樂，而女友就喜歡逛名牌店，聽歌劇。你話係咪真係似到十足丫! 電車男話佢地o既狀況就有如二哥一首叫"BAD TUNING"o既歌，講一對情侶有時要有o的不協調先會增進感情喎!
愛馬仕後來都放鬆o左，仲好好傾添。呀，電車男o係東京郵政總局上班o架。呢兩個新朋友真係幾有趣，日後都會再見佢地。
張相o既最右面兩個就係佢地喇，其餘兩個分別係我的識o左廿幾年o既SAM & BEN。

Julieちゃん 新花款

Julieちゃん是我公司簽的女新人歌手，目前在live house作現場演出取經驗，仍未出碟。上次見佢時，佢個貼滿公仔o既手機令我地大開眼界，今次又有新花款喇。仍然係公仔，但係貼晒o係手甲度，佢話用o左5個鐘頭，瞌眼訓瞌o左幾次先完成，真係佩服佩服!

Miho的小BB

上次去日本見唔到MIHO，今次約定再會。MIHO以前隨著老公工作住o係香港，幾年前我地因為追旭而相識，一部份廖太都見過佢o架。MIHO老公舊年被調回日本後，我地仍然有聯絡，因為佢同佢4歲o既女，仲好懷念香港o既生活。梗係啦，呢度有蝦餃燒賣食嘛!今年七月，MIHO又生多個仔，而家剛好五個月。
為了遷就呢個湊仔婆，坐o左成個鐘頭火車去川崎，同佢飲個咖啡傾兩個鐘計，然後佢要接女放學。真係典型日本小主婦生活，唔會有可能再去追星喇!
MIHO個仔好得意o架，塊面成個面包超人咁，手瓜腳瓜就似相撲手，俾我mit o左好多下，he he...

人間60年 ジュリー祭り

今年第六次去日本o既目的，係去參與我偶像沢田研二60大壽o既主要event~ 12月3日"東京巨蛋6小時半演唱會"。跟我同行o既，係3個相識o左廿幾年o既二哥fans。佢地無睇二哥現場演出已有好多年，所以特別興奮，半年前已請定假訂埋機票，齊齊去日本再拾舊夢。
二哥當年跟"老虎樂隊"成員由大阪上東京，第一場演唱會就o係後樂園~即東京巨蛋前身演出。40年後，迎接60大壽o既二哥說出希望重臨舊地演唱o既心願，而且話要唱足6個半小時，同樂迷重溫佢o既好歌。起初真有o的擔心，時間太長，票價一萬二千日元，兼且並非假日，恐怕會令樂迷卻步。結果，三萬二千樂迷入場也足以令二哥老懷大慰喇!
下午三點準時開場，直落不停42首歌，以舊作品為主。二哥呢類實力派歌手，真係越老越精，現今o的新進小朋友，確實需要多多磨練至得囉。上半場到6點才休息半小時。幾萬人同一時間去洗手間+醫肚，都咪話唔恐怖，排得隊o黎已經夠鐘!下半場又係不停站連唱39首，差不多10點完結。二哥+樂隊與樂迷作一擊掌，為呢個演出畫上句號。佢好感動咁多謝樂迷支持，令佢實現夢想。能夠成為佢夢想裡面o既一份子，我地都覺得好驕傲!無嘉賓參與，60歲人o係巨蛋台上又唱又跳6小時演出81首歌，每次唱完都90度鞠躬，真係體力毅力驚人。佢呢次演唱會已經成為日本樂壇新紀錄, 翌日的報紙給二哥冠以"鐵人JULIE"稱號。二哥，I'm proud of you!