高山朋友到訪

去年十月的六人北陸團，途經高山市1 古街道時，又凍又落雨。我地衝入一家手打蕎麥麵店食麵之後，跟老闆娘傾談下，知道佢同老闆將會來港遊玩，順口梗係話得閒搵我啦，仲留低卡片俾佢。前兩日，忽然收到一酒店職員來電，話有個客想搵我。hea~~一聽之下，原來真係o黎o左! 山下先生夫婦仲帶埋仔女，媳婦同個一歲o既孫仔，o黎玩3晚4日。不過佢地已經o黎過幾次，搭車在坐船甚至去澳門都無問題，佢地最想係有人帶佢地食o的唔駛靚酒店，但好味o既地道廣東菜o者。第一晚去o左尖沙咀鴻星，o的日本人一見到大大隻o既"瀨尿蝦"已經咀都郁(可憐我最怕o架!)。第二晚銅鑼灣福苑食火鍋，用鮑魚打邊爐都嚇佢地一跳!

山下先生一家好好傾，原來佢地o係高山仲經營一間只有4間房o既小旅館，仲話我地第日再去高山玩的話，一定要住佢o個度，佢會親自下廚o忝。

大雪的名古屋

這幾日東京最低4度，但天朗氣清，還算不差。昨日去名古屋就大件事了! 早一晚，朋友已來電警告，當地反常地不停的落了兩日大雪 (往年只落一日半日)，叫我一定要全套"武裝"才可以。而且因大雪關係，新幹線已經出現延誤問題，分分鐘趕不到二哥的演唱會。。(唔好嚇我呀!)
到車站查問，知道去名古屋無問題，大阪那一段就不成了。沿途天氣還很晴朗，還看到半白的富士山，但一過靜岡縣就一片雪白了。名古屋仍是大風大雪，當晚看完演唱會返東京一程新幹線便出問題。大阪一站因積雪不能開車，所以一直延誤 ，差點以為要住酒店呢! 幸好有一班遲了兩小時的班車於9點半到站又有位，便立即上車。不過一路又停又開的，返抵新宿已過了12點半，比正常足足多了一倍時間!
明天再去大阪，可能又會被困喇!

無敵海景新餐廳

世貿中心5/F外面平台，一向是連接隔鄰酒點的室內網球場。數月前開始大清拆，搖身一變成為一間露天酒吧兼餐廳Hooray Bar & Restuarant，剛開張不久。看報章雜誌已有多少評語，好壞參半。前幾日終於約到朋友，一齊試試聽說頗不錯的午餐。5/F平台可由Uniqlo旁樓梯直上，面積甚廣。所以把三份二範圍闢作全露天酒吧餐廳，面對著無敵大大海景，天氣晴朗的話，簡直舒暢，夏天秋天是更一流! 可惜當日寒冷有微雨，我們只能在有蓋部份用餐，但也可望到外面景色。
餐廳分有兩層，下層午市為意式半自助午餐，可選餐湯或頭盆salad bar，加有主菜及飲品。salad bar雖然選擇不太多，但居然有parma ham/密瓜! 我們點的主菜煎鱸魚就覺過了火，肉很實。甜品則以cheese cake為主，料靚好味。這份海景午餐每位$148，OK 啦。而晚上就轉為蠔吧，據說有來自多個國家的靚蠔供應。

想層還有日本鐵板燒，下次再試。

繁鬧的銅鑼灣區有此開放式的食肆，應該馬上成為看煙花開派對的熱點。當日已經看到好些公司人員來洽商包場呢。跟經理閒談，才知道餐廳跟IFC的意大利料理Harlan是同一集團的。

新張優惠送了一張八五折卡，二月底前可用。有興趣否 ？(最好搵日無咁凍先)

個湯不是餐湯，是我另點的"蕃茄麵豉湯"，以為很特別，原來平平無奇，還要$78!!

2010 日本十大溫泉旅館

近日亞四經常提及台灣新開業的溫泉旅館"加賀屋"，是日本百年老舖"加賀屋"首次在海外開設的分店，不論裝修設計及服務，均以最貼近本店為賣點，但住宿費亦相當昂貴。猛然想起看到日本剛發表2010年度的十大溫泉旅館，"加賀屋"原來榜首的一間! 此店位於石川縣的能登半島岸邊，就在我們去過的金澤的北面。一泊兩餐收費由最便的￥27000 至￥60000，如果台灣分店價錢相若的話，那應該亦有相同的享受吧。本店的網址：www.kagaya.co.jp/index.php

十大溫泉旅館：

1. 石川縣和倉溫泉~ 加賀屋

2. 登別~ 第一 瀧本館

3. 和歌山~ HOTEL 浦島

4. 岐阜縣下呂溫泉~ 水明館

5. 大分縣~ 杉乃井HOTEL

6. 兵庫縣有馬溫泉~ 有馬GRAND HOTEL

7. 阿寒湖溫泉~ AKAN 遊久之里鶴雅

8. 兵庫縣有馬溫泉~ 兵衛向陽閣

9. 草津溫泉~ HOTEL 一井

10. 鹿兒島指宿溫泉~ 指宿白水館

以上的 2，4，8 & 9 有幸曾入住過，其中也有跟廖太團住過的，希望有機會一齊全部試晒啦。