狗爪螺，聽過未？

食餐飯都要成個月前訂位o既 b.仔餐廳，今晚我o地o黎喇! 原本訂o左5位，不過女 婿大人公司個腦又down，搞到佢飯都無得吃囉。Willy，CC，阿女同我四個狀況都不佳，所以決定戒酒一晚，飲有氣白水算數。型仔哥哥介紹一味唔係成日有o既前菜...狗爪螺，聽見有o的恐怖。佢話係一種法國海產，長長一條類似聖子，今日剛飛機運到喎。咁即管整碟試o下啦。 各人分別order燴鴨腿，忌廉燴牛仔肉，燴春雞&煎立魚配磨菰飯，仲有用羅馬蕃茄做o既忌廉湯(呢個正呀)。

首先出場o既狗爪螺，似一條幼幼手指尾咁長o既啡色象拔蚌，一頭連住塊三角型o既硬殼，真係似隻動物o既爪，賣相有o的嚇人，味道呢...軟林林有海水味，無乜好食。班侍應姐姐哥哥就猛問我地有乜評語(可能係未有客試過)，我就話好似咬緊條蚯蚓，佢地居然話係o忝，想嘔 !!一客$240，阿四你唔駛試喇。鴨腿呢，Willy話Piann o個邊仲好，牛仔肉同春雞就幾好味，我o既魚就麻麻地，o的皮有腥味，反而個rissotto就唔錯。每樣份量都唔細，所以四人share兩件甜品，加咖啡，埋單剛剛千五。好耐無見Willy同CC，因此大家雞啄唔斷傾到人地打烊至走，仲約定12月去日本東北玩，好，諗諗喇。

內服SKII ？

早幾日又去嘉亨灣探探朋友兩隻小貓咪霜霜&LUCY。唔見兩個月，兩隻已經大o左一倍有多，唔再係BB喇。霜霜仍然好活潑四圍跑，但LUCY已經識得怕羞，呢o係房度唔肯出o黎見人。玩完貓貓，例牌又一齊食晏，朋友話發現附近有間細細菜館，主打無味精o既住家菜。呢間叫"中意彷"o既小店，中午時間有套餐，一湯一菜，白飯&油菜+精緻甜品，四十零蚊，小菜選擇也甚多。我o地三個人叫三個餐，揀o左花生炆豬手，咖哩薯仔炆雞 同雲耳甜豆雜菜，整得幾好味兼真係無味精。飯後甜品似乎係該店o既人氣項目，侍應姐姐拎住一盤裝住十幾款的式甜品埋o黎，好似唱歌咁逐樣介紹，真係樣樣都想試，不過只可選其一。想食多款都得，加多$8啦。所以我 地又要o左姐姐特別推薦o既"想靚必食~內服SKII"，佢話其實係杏汁+白果付竹+海底椰，有美顏功效喎。係真唔係都好，幾好食就得啦。

間鋪位於嘉亨灣對面o既公園仔旁邊，面積同SOGO B2餐廳查不多，似乎係家庭式經營，所以侍應們都有禮熱情。店內有個大酒櫃，佢地夜晚做埋串燒，好似中式居酒屋咁，遲o的再去試試先。

街坊餐廳

Agnes b.開道o黎百德新街，身為街坊o既當然要捧捧場喇。今日約埋朋友Ka san&佢個女Loretta, 仲有Melaine一齊食晏。一上到去，百彈o既Ka san 立即捉住似係主管o既哥仔Wilson，話恩平道o個邊o的侍應昂居居好唔掂。搞到人地面懵懵，唯有答佢話呢度新店staff個個醒目，兼且有型過舊店好多，真係俾佢笑死!!
新店面積幾大，外面飲茶食lunch，裝修似乎舊店較有特色。另外仲有一個有o的似Cova o既fine dinning 專廳，要12號先開始用，聽講頭兩星期o既晚飯都滿晒喇。
中午有set，$165兩個course，有湯或沙拉，主菜+飲品，加$20就多個甜品。其實抵o架，淨一個cake都三十啦。我地揀左沙拉，主菜要o左龍利柳，牛扒。魚柳夠鮮又滑，居然連配o既蒜蓉飯都幾好味。佢地食牛扒o既都話幾得。個廚似乎真係呢邊好o的喎，一直保持水準的話，我諗對附近o既Town Gas會有威脅。唯一有瑕疵o既就係有烏蠅飛入o黎，僕響玻璃度陪食飯。哥仔話樓下鋪面打開門，實會有o野飛飛o下。佢o地已經諗緊辦法，希望早日解決到喎。
講真，新店o既staff確實比舊店好幾倍，有笑容兼有問有答，唔會十問九唔識呀!!
今日影相唔掂，郁郁郁....