喜事一宗

哇，哇，哇....灰o左咁耐，今日終於有番件喜訊喇!

早前返番日本住o既Jerry粉絲朋友 Miho，昨日一早再做媽咪，生o左個好可愛o既男BB，真係恭喜，恭喜!

超可愛い!!

又係厭世!!

由機場一返到屋企，老公就話有個壞消息要報告.....
一個中學同學兼幾十年朋友o既仔，前日自殺身亡。朋友夫婦前日下午由溫哥華渡假回家，發現個仔倒斃o係房間，據知係燒炭自殺，死去才剛剛數小時，只得28歲咋 ! 因為無遺書，所以暫時都唔知為乜事輕生。佢地得一個仔，當然傷心到不得了，都唔知講乜o野安慰!
唉...點解咁多人如此唔愛惜生命 ？痛心!!

厭世？

秋葉原厭世男點解唔駕車衝落海，又或者o係三十樓跳落地？整死七個人之後佢自己又無死到，究竟呢個咩世界？! CRAZY !!

Something new

公司22樓o既朋友講起，pccw近日o係298 做緊netvigator everywhere 宣傳，只要用一隻手指大細o既usb simcard，唔駛用固網寬頻就可以四圍上到網，notebook用家就方便好多喇 。佢覺得頗合用所以立即轉o左。月費$328，但有3個月免費，計落都係二百幾，比我而家月費平些少，wi fi 或3G網絡都用得，24小時任上。聽落，我都幾有興趣，因為而家用notebook，咁咪可以拎個腦仔返屋企 o係廳玩，唔駛成日坐o係房入面自閉o囉。Promotor哥哥仔上ｏ黎公司示範，十分有耐性，服務態度確實近日少見，想唔幫趁都唔好意思喇。hehe, 其實我中意隻simcard手指咋！

MO 海鮮自助晚餐

早前中環MO Keepers Cafe做海鮮dinner buffet，糧尾同Amy就約埋我同佢大佬&女友去捧場，Janis未返港，無份。大酒店食物質素確實不用置疑，種類多，份量足夠，最重要係新鮮，每位約$340，中環o黎講算普通喇，難怪閒日都是本地人居多。(嘻，Amy簽單仲有半價o忝!)MO o既墨魚汁麵包原來出名好食，不過唔可以食太多喇，因為還有大大隻蟹腳，魚生，巨型蝦，即使甜品也非常特式。唔食蝦蟹o既糧尾只係o黎做陪襯，唯有淨隊燒牛肉同三文魚 !

由於太飽，我地對住杯咖啡坐到人地打烊先行得!