懷念

4日3夜o的台灣之旅，喪食，喪笑之餘，當然少不了得喪買日劇，CD及DVD。距離上次訪台已經半年有多，所以今次收穫豐富，整個行李o急滿瀉而歸。然而覺得最最最滿足的，是找到一套梁弘志的"愛與歌紀念專輯"，見到之時差點叫了出來。梁先生是我十多年前因工作而認識的台灣作曲填詞家，本人亦有灌錄唱片，年紀輕但已經有不少耳熟能詳的作品。"恰似你的溫柔"是他高中時代之作，還令到蔡琴一砲而紅。還有蘇芮的"請跟我來"，葉倩文的"祝福"，譚詠麟的"半夢半醒之間"，鄧麗君的"但願人長久"等等。梁先生為人低調，不拘小節，但誠懇又熱心助人，當年曾給我們公司解決過無數麻煩的版權問題。私人到台灣旅行時，他也熱情的用他的"波子"載我和阿女遊遍陽明山等地。
也是因為工作關係，跟梁先生少了聯絡，曾以為他移民國外，淡出樂壇。至兩年前，偶然從一教會網站知道他仍在台灣，一直熱心於教會公益，並應邀參加"名揚四海"演唱會準備復出。在籌備期間，梁先生因腹痛入院檢查，卻發現已罹患了末期"夷"臟癌。雖然在進出於醫院接受治療期間仍努力地為演唱會排練，可惜最終也未能再次踏上舞台，於04年10月30日離世，終年46歲。
這套專輯除了收錄有上述作品等30首歌曲之外，還有一本集合了梁先生多位好友撰寫的悼文，以及梁先生所寫的的勵志文章和在重病期間給友人的書信的小冊。由台會來後，每晚都聽著這2張CD，一面讀著這些字句...懷念Vicent梁弘志先生....

又係私房菜

約o左襯家今晚食法國私房菜，拜個"遲"年兼聯絡o下感情。坐抵一路食一路講，咁又消磨o左3個幾鐘，飽到攬住個肚返歸。今晚o的菜式跟上次同gloria&friends 食o既唔同，頭盤有煎帶子/蟹肉釀蕃茄，湯係野菌忌廉湯，二度有牛油果伴法國田螺/羊仔扒，跟住有士多卑利in sparkling wine, 主菜係煎大蝦/parma ham海廬魚卷/燒汁黑毛豬扒。甜品係最期待o既龍蝦雪糕!好味，好味．．．

每日一笑

呢個可以作為今日一笑：
今晚返到屋企，行入房換衫途中~
老公個媽咪：聯合航空叫你覆電話，好似話班次有變更喎。(5月去日本嘛)
我：好，聽日覆啦。
換完衫出廳～
正在打麻雀ｏ既老公：乜你訂ｏ左鮑翅ｏ羊，有乜ｏ野要改呀？
一頭霧水的我：o下!鮑翅？
老公：媽咪同你講鮑翅丫嘛。
正在食緊牛俐酥的我：係飛機班次呀，阿伯!乜你打緊牌都咁八卦，聽埋人o地講o野o架!
我笑到幾乎俾牛俐酥哽死，其他三個差o的跌晒落地!!

食草計畫失敗中

上月去完泰國，呢個月去台灣，下月去日本，即係連續３個月旅行+食．．食．．食。原定去台灣之前要收斂O下食番一排草清定腸胃先，點知事與願違，大失敗！同朋友，廖太等人食ｏ左幾餐後，過兩日廖太又聚會喇，第晚約ｏ左親家食法國私房菜，星期五又同朋友食lunch. 臨出發前仲有日本朋友ｏ黎，講明要食幾日勁ｏ既，因為佢幾年無ｏ黎，餓ｏ左好耐香港美食咁話喎！咁即係要我捨命陪君子啦．．台灣返ｏ黎唔夠幾日，我四哥一家老嫩由加拿大ｏ黎旅遊，梗係又要聚舊+食．．食．．食啦！！雖然ｏ的老人家話：”怨飢唔怨飽”，不過確實有些過份。５月１１號出發前ｏ個個星期點都要”落實”食草計畫，否則去到日本睇住朋友食魚生，我就食伴碟ｏ個ｏ的海藻同蘿蔔絲咋！

Pink Panther car

行過時代廣場，見到架超可愛o既mini 仔，似乎係一部電影"傻豹xxx"o既宣傳品。想起自己無入戲院睇戲好耐喇!最近係咁煲韓劇，又追電視片集~新一輯"24"，"Mr.Monk","CSI", 仲有明珠台o既日劇"女系家族"，"4400"同"LOST"錄o左都未睇，都唔駛幫趁戲院啦!