春一番

2月23號去東京，差不多到達時，o係上空遇到好強p既氣流，隻機左搖右晃，連空姐們都要坐定定，都咪話唔驚呀。坐o係機巴入面唔覺有咩事，但出到新宿，即刻知道吹緊好大風，推住個30吋大o急由京王行去Kadoya途中，以我咁o既份量都可以被吹到幾乎跌低，簡直八號風球一樣! 第二日見到o的日本朋友，個個都問我是否第一次見識佢地o既"春一番"喎。原來日本每年o係"立春"之後，就會出現第一次由九州方面吹來o既強烈南風。好次今次就連續o左四五日，影響到航機及火車要取銷或延誤，有房屋被吹倒塌，行人亦有被吹跌。o個幾日出街都要同大風對抗，羽絨手套帽帽要著齊全。我去睇o既演唱會亦遲開二十分鐘，等齊人先開得! 去日本咁多次，真係未遇過。

另一樣未見過，係買o左盒超甜草莓，入面居然有一粒孖o既，好有趣呀!

"繼之介"已經close，原來係業主要將整棟樓拆卸重建，所以多多錢都唔肯續約。梗係啦，起多幾層收多o的租嘛。

看相片請到：http://xina925.spaces.live.com/