終於過完年!

對於我o黎講，過年仲慘過返工。都唔知點解，一定要o係過年前大掃除，執屋，買好多雪櫃裝都裝唔晒o既食物，連續幾日嘻嘻哈哈，飲飲食食，胃都壞埋，然後洗碗洗碟，簡直得個累字，o野都唔想講!
半夜時份先至係我私人時間，老公收到MADONNA隻演唱會DVD，又買o左新O個套占士邦，o岩晒我開午夜場。46歲o既麥當娜，仍然係一個"勁"字，演唱會勁勁好睇，不愧為樂壇一姐!
年初四出發去哈爾濱喇，o個度雖然話已經回暖，但係都只得零下十五，六度，所以都係唔講得笑，羽絨，棉褲，雪靴之類缺一不可，希望頂得住啦。
一去八日，要到三月先再見喇。

KITTY 年糕

今晚同寥太們食緊飯時候，糧尾老婆打電話o黎話有兩個年糕要送俾我，本來聽到"年糕"呢兩個字已經好驚，不過AMY話係Kitty 型狀，包我中意喎。返到屋企第一時間打開雪櫃，呵呵．．一個橙色一個粉紅色ｏ既貓型出現，果然好趣緻喎,而且好香椰子味！AMY話係佢朋友o既BOYFRIEND 做O架，送O左五個俾佢，仲有其他顏色同型狀，不過我見唔到。呢個男朋友都幾精乖啊！

今早做阿茂

多謝阿四同Connie肯陪我做阿茂，參加sogo club o既興趣班學整餅。今日學o既係日式豆腐芝士紅豆凍餅，我中意唔駛用焗爐咁麻煩，將所有材料搞勻倒入餅模雪硬就成。原本用真o既豆腐，但師傅話試過會出水，所以改用無糖豆槳。效果一樣。其實大部份用料都由師傅預備好晒，我o地只係將拍碎o左o既麥唯他消化病，淡忌廉，豆漿，芝士，白糖，蛋同魚膠粉搞搞o者。雪緊個餅期間，再學做朱古力o既裝飾。見過人地做就話易，實在都要講o下技巧，同埋要備有某些器具先得o既。完成品自己都覺得可以啦，阿助手話咁先似係自家製喎，咁係咪即係好粗糙呢？呢個係老公今年o既生日禮物，難得我有心情做o的咁o既o野喎，希望有份食o既唔會肚瀉就ok 喇!!