河口湖自然生活館

這就是藍莓軟雪糕及 藍莓

河口湖觀光巴士終點傍邊的自然生活館，建築物裡面其實是當地的土產店。外面停車場一邊，設有多個小攤子，售賣附近農場種植的果菜，最吸引的如蕃茄，白桃，藍莓等，很是新鮮，可是我們外來遊客只能望望而已! 另一面就有一大片花園讓遊人自由入內賞花。這個時候正是薰衣草季節，雖然不太"壯觀"，但一片紫色加想其他色彩繽紛的花草，看得十份舒暢，還第一次看到樹上的藍莓，當然也嚐到藍莓軟雪糕!

富士山面貌

熱熱熱...去到日本一樣熱到暈! 雖然只得25，6度，不過完全無風，一出街就等如入o左焗爐。百貨公司，火車廂又實行環保，限定25. 5度，死未？所以人人出街都要手拎住大把扇! 有日真係熱到忍唔住，決定跳上火車，坐o左兩粒鐘直上富士山下o既河口湖，期望會涼快o的。不過好失望，山上依然悶熱得很，而且烏雲密佈兼落雨。

車站前面有冷氣觀光巴士，一於跳上去坐住o黎睇風景，好過行到身水身汗。河口湖風景確實幾靚，湖o既周邊都係溫泉旅館，搵次都要再o黎玩玩先。巴士司機伯伯話，河口湖邊睇富士山係最靚o既位置，可惜當日只係見到成pat烏雲!!

上山火車"富士山特急"o既車身，就畫o左好多富士山o既卡通畫像，十分有趣，就當自己見過喇!

領獎喇 !

買善存兩樽參加抽獎，幸運地被抽中，獎品係 i Phone ! 更幸運地由於原本送出o既16G 無貨，竟然獲加碼改送32G ! 真係多謝o晒"惠氏"! o係日本已經買定個白色矽膠軟套，我要慢慢學用呢部新機喇。