泰舒服？

澳洲返o黎過年o既家姐，姨甥女+我3人又作每年一次o既新年旅行。由11，2度o既香港去到23，4度o既曼谷，梗係舒服啦! 酒店都係揀番住過o既Pathumwan Princess，雖然只屬4星，但貪其方便。隔離係乜都有o既商場，又有東急百貨，最好就係貼住空鐵總站。其設備亦唔差，我地頭兩日完全無出外，行行食食，游水，做按摩。夜晚o係酒店樓下間韓國料理食自助火鍋燒烤，每人只不過120(港幣)! 我家姐怕熱，所以唔會去甚麼景點，大部份時間都係行商場，o係 food court 食...食 ...食..! 返到o黎真係唔敢上磅，又要食一排草至得囉 !

曼谷相請到 ~http://xina925.spaces.live.com 睇睇啦。

阿女o係澳門終於租到屋喇，星期四就會過去同佢執下o野。佢話有三間房，如果廖太有興趣去探佢的話，佢會盡下地主之誼喎。

阿二仲有幾日就嫁人喇，在此先祝佢同佢愛人永遠幸福啦。

澳門一日遊

已經35年無去過鄰近香港o既澳門，真係講都無人信。上月尾因為阿女要去MGM上工，所以話幫佢拎行李之餘，亦趁機過大海一遊。我地對賭毫無興趣，一心只想去搵野食。到步後即往糧尾介紹福隆新街o既添發食魚翅，誰知遇著例假休息，真黑! 好彩阿女話佢去過附近另一間"毛記"都OK，即入! 兩人叫一個四人份量o既雲吞雞煲翅($300)，蒜蓉豆苗(28)+蝦醬鮮魷(48)，伙記都俾我地嚇親，急急叫停。不過我地清晒碟，哈哈...佢唔知我地母女兩人係飲湯怪!
由於我只會逗留一晚，所以食飽買埋手信後，立即趕車去威尼斯人渡假村，參觀呢間澳門目前最大o既娛樂設施。未去過拉斯維加斯，我自然覺得呢度果然好宏偉，賭場之外，三千間房o既酒店+好大o既商場，我地行o左三個鐘都未行完。因為約o左阿女朋友食晚飯，不得不"忍痛"走人。夜晚食葡國料理，麻麻地，都係煲翅好味o的。入夜後更凍，只得5度!
第二朝阿女返工後，自己一個人坐酒店車去MGM 望望，無理由個女o係邊度做野都唔知o架。雖然不及威尼斯人咁有氣派，只見門高隻獅又大，而且聽講裡面無乜店舖，所以只o係外面轉o左個圈，就出發去碼頭返港。
幾十年不見o既澳門，除o左賭場真係乜都無，市中心街道仍然舊舊的，有o的似台灣，但係四處有不少興建中o既賭場渡假村，聽講o黎緊將會有4萬間酒店房，日後o既旅遊事業可能勝過香港都唔定。
連續十幾日低溫天氣，令人凍到覺得有點兒呆滯。星期二我會同澳洲返o黎o既家姐&姨甥女去曼谷五天遊，暖番幾日先。
有興趣睇澳門相片的話，請到 ：http://xina925.spaces.live.com