生仔都有時價

酒樓餐廳過時過節會加價係平常事，但係入醫院生仔都有時價，真係初次聽聞。話說原定29號先入院o既小新太太今天晨早作動，馬上由東涌飛車到銅鑼灣聖保祿報到，急call醫生準備開刀。雖然最初登記時已經知道晒收費，所以先揀定星期五入院。不過小東西自己擇日出世，要o係復活節假期o黎玩兔仔，咁小新就要俾多$7000喇 ，肉都痛晒!! 好在入院時剛好全院滿座，獲得upgrade到一間每日收費要加多一萬蚊o既兩人"上房"。房內唔係豪華但設備非常先進，甚至每張床前有一台電視/電腦mon+keyboard吊機，只要伸手便可拉至面前，睇電視上網都得，而且已經有晒goole, fb 等等。睇下小新太一回復精神就立即上網就知幾方便。佢地話難得有咁o既享受，點都要用番夠本!